ვიქტორ იანუკოვიჩმა არჩევანი რუსეთის სასარგებლოდ გააკეთა და ვლადიმერ პუტინს  საბაჟო კავშირში შესვლას დაპირდა. The Economist-ის ჟურნალისტის, ედვარდ ლუკასის ინფორმაციით, შეთანხმება რუსეთისა და უკრაინის პრეზიდენტების შეხვედრაზე შედგა, რომელიც გუშინ სოჭში გაიმართა.

„მიღწეულია შეთანხმება უკრაინის საბაჟო კავშირში გაწევრიანებაზე. შეხვედრაზე მხარეებმა სტრატეგიულ შეთანხმებას მიაღწიეს, რომლის მიხედვითაც, რუსეთი უკრაინას 15 მილიარდ დოლარს გამოუყოფს, ხოლო გაზის შესყიდვის ფასი, 500 აშშ დოლარის ნაცვლად, 200 აშშ დოლარი იქნება. ამ შეთანხმების ერთ-ერთი პირობა კი უკრაინის საბაჟო კავშირში გაწევრიანებაა", - წერს  ედვარდ ლუკასი.