ევროკავშირი რუსეთს სამხრეთ ნაკადის პროექტის შეჩერებით ემუქრება. საუბარია გაზსადენზე, რომელსაც კომპანია „გაზპრომი" ბუნებრივი აირის ტრანზიტისათვის ევროპაში აშენებს. ევროკომისიამ რუსეთის ენერგეტიკის სამინისტროს ოფიციალური წერილი გაუგზავნა, სადაც სატრანზიტო ქვეყნებთან გაფორმებული შეთახმებების გადახედვის აუცილებლობაზეა საუბარი.

ევროკომისიის წარმომადგენლებმა განაცხადეს, რომ სამხრეთ ნაკადს ევროპის ტერიტორიაზე ფუნქციონირებისთვის კანონიერი საფუძველი არ გააჩნია. მათი თქმით, ყველა გაფორმებული შეთანხმება ქვეყნებთან, რომელშიც გაზსადენმა უნდა გაიაროს ან იურიდიული ძალის არმქონეა, ან ევროკავშირის კანონმდებლობას ეწინააღმდეგება.