თბილისის იუსტიციის სახლის დროებითი სერვისცენტრები კვირასაც უწყვეტ რეჟიმში იმუშავებენ. მომხმარებელს შეეძლება დღის განმავლობაში 300-ზე მეტი სერვისი ჩვეულ რეჟიმში მიიღოს.
მოქალაქეებს საშუალება ექნებათ სერვისის მიღების მიზნით ჩუბინაშვილის ქუჩის #68-ში და აღმაშენებლის მე-10 კილომეტრზე, აღსრულების ეროვნულ ბიუროში განთავსებულ დროებით სერვისცენტრებს მიმართონ. მზა დოკუმენტაციის მისაღებად კი დედაენის ბაღში მდებარე სერვისცენტრს მიაკითხონ. დროებითი ფილიალები მომხმარებელს 10:00 დან 15:00 საათამდე მოემსახურება.
მოქალაქეებს ასევე საშუალება ექნებათ ისარგებლონ დაჩქარებული სერვისცენტრითაც. Gგამონაკლისს წარმოადგენს ბიზნესისა და ქონების რეგისტრაცია, რომელზეც მხოლოდ დაჩქარებული სერვისები იქნება შეზღუდული , სტანდარტულ ვადებში მომსახურების მიღებაზე განაცხადის გაკეთება კი მომხმარებელს ჩვეულებრივ შეეძლება.
