ცნობილი რუსი მსახიობი სერგეი ბეზრუკოვი 14 დეკემბერს საქართველოს მესამედ ეწვევა. ფილარმონიის დიდ საკონცერტო დარბაზში  20:00 საათზე მსახიობი ორსაათიან საქველმოქმედო საღამოს გამართავს.

საღამოზე წარმოდგენილი იქნება პოეზია, ნაწყვეტები სპექტაკლებიდან, მათ შორის სერგეი ესენინის  მსოფლიოში ცნობილი „ხულიგანის აღსარება", რომელიც მისი ცხოვრების და შემოქმედების მიხედვით დაიდგა.

„რეპორტიორი" საქართველოს კულტურის პალატის ხელმძღვანელს დავით ოქიტაშვილს ესაუბრა.

„ეს ბეზრუკოვის მესამე ჩამოსვლაა, მაგრამ ასეთი მასშტაბური სპექტაკლით ის საქართველოში არასდროს  ყოფილა. ესენინის  - „ხულიგანის აღსარებამ" მთელი მსოფლიო მოიარა და ბეზრუკოვი პოპულარული ამით  გახდა. მოხარული ვარ, რომ ქართველებსაც ექნებათ საშუალება სპექტაკლი ნახონ", - განაცხადა ოქიტაშვილმა.

მისივე თქმით, რუსი მსახიობი თბილიში ორი დღე დარჩება.  

ცნობისთვის: ცნობილი რუსი მსახიობი სერგეი ბეზრუკოვი ქალაქ მოსკოვში 1973 წელს მსახიობის ოჯახში დაიბადა. სახელი მამამ საყვარელი მწელის სერგეი ესენინის საპატივცემულოდ დაარქვა. ბეზრუკოვი ცნობილი გახდა სერიალით „ბრიგადა".