საგამოფენო ცენტრ "ექსპო-ჯორჯიასთან" არასამთავრობო ორგანიზაცია "ყოფილი პოლიტპატიმრები ადამიანის უფლებებისთვის" საპროტესტო აქციას მართავს. აქციასთან დაკავშირებით კომენტარი „ნაციონალური მოძრაობის" წარმომადგენელმა, შოთა მალაშხიამ გააკეთა. „დღევანდელი ხელისუფლება სამოქალაქო დაპირისპირების ინსპირირებას აპირებს. კიდევ ერთხელ გვინდა ვაჩვენოთ საქართველოს მოსახლეობას ჩვენი კონსტრუქციულობა და რეალურად ვამხილოთ დღევანდელი ხელისუფლება პრორუსული პოლიტიკისა და სამოქალაქო დაპრისპირების მცდელობაში."- განაცხადა უმცირესობის  წარმომადგენელმა. შეგახსენებთ, „ნაციონალური მოძრაობის" პრაიმერი დღეს 15:00 საათზე დაიწყება. შეხვედრისას  ყველა ის საკითხი განიხილება, რომელზეც რეგიონული შეხვედრებისას იყო საუბარი.