იანუკოვიჩთან უკრაინის ყოფილი სამი პრეზიდენტის იუშენკოს, კრავჩუკისა და კუჩმას შეხვედრა დასრულდა. უკრაინის ყოფილმა პრეზიდენტმა ლეონიდ კრავჩუკმა შეხვედრის დასრულების შემდეგ გაკეთებულ განცხადებებში აღნიშნა, რომ უკრაინის ევროინტეგრაციისკენ მიმავალი კურსი უცვლელია და ევროკავშირთან ასოცირების ხელშეკრულებას ხელი მარტში მოეწერება.

„იანუკოვიჩმა თქვა, რომ თუ ევროკავშირის, კერძოდ კი ევროკომისიის მხრიდან შესრულდება დაპირებები, რომ კომისიამ ახლავე დაიწყოს მუშაობა და მოასწროს უკრაინის დელეგაციასთან მუშაობის წარმართვა, მაშინ მარტში ევროკავშირთან ასოცირების ხელშეკრულებას ხელი მოეწერება", - განაცხადა კრავჩუკმა.