„გრინფისის მხარდამჭერთა ჯგუფის თავმჯდომარე" ლაშა ჩხარტიშვილი „რეპორტიორის" კორესპონდენტთან საუბარში აცხადებს, რომ აქცია მშვიდობიან ხასიათს ატარებს და იმედს გამოთქვამს, რომ პროვოკაციებს ადგილი არ ექნება. „აქციის მონაწილეები ვაპროტესტებთ „ნაციონალური მოძრაობის" დაუსჯელობას. მათი უპასუხისგებლობის პრობლემაა ქვეყანაში. პირადად მე ვთვლი, რომ „ნაციონალური მოძრობის", როგორც პარტიის საქმიანობა იურიდიული მექანიზმების გამოყენებით უნდა დასრულდეს. აღნიშნული აქცია სწორედ მშვიდობიანი გამოხატულებაა ამ პარტიის საქმიანობის წინააღმდეგ. ჩვენი მოთხოვნაა  გასამართლდეს „ნაიციონალური მოძრაობა" როგორც პოლიტიკური ძალა. აქცია მშვიდობიანია და იმედია პროვოცაკიციებს ადგილი არ ექნება",-აცხადებს ჩხარტიშვილი. ამ დროისთვის, საგამოფენო ცენტრ „ექსპო-ჯორჯიას" მიმდებარე ტერიტორია გადაკეტილია. მობილიზებულნი არიან სამართალდამცავები, კონტროლდება „ექსპო-ჯორჯიას" ყველა შესასავლელი. გადაკეტილია ასევე სამტრედიის ქუჩა. „ნაციონალური მოძრაობის" პრაიმერის პარალელურად, არასამთავრობო ორგანიზაცია "ყოფილი პოლიტპატიმრები ადამიანის უფლებებისთვის" საპროტესტო აქციას მართავს.აქციაზე სამართალდამცველებმა 2 პირი დააკავეს.