ექსპერტმა ეკონომიკის საკითხებში დემურ გიორხელიძემ გადაცემა „დიდ პოლიტკაში" ლარის კურსის ვარდნასა და ქვეყნის ეკონომიკურ მდგომარეობაზე ისაუბრა.
„ ლარის კურსის დაცემა მიუთითებს ყველა იმ სისუსტეზე, რაც ქვეყანაშია. ეკონომიკა ხელიდან გვიქრება. ეროვნული ბანკი სუსტია, ნახეთ ბოლო ორი დღის განმავლობაში როგორ თამაშობს ლარი და ეროვნული ბანკისგან ჩამიჩუმი არ ისმის, ეს თესავს პანიკას.
მინდა გავიზიარო ბატონი ნოდარ ხადურის აზრი, საპანიკო არ უნდა იყოს, მაგრამ არ ვარ დარწმუნებული, რომ შეძლებენ მთავრობის და ეროვნული ბანკის რესურსებით სიტუაცია კონტროლს დაუქვემდებარონ. ზოგადად ვალუტის თამაში ეკონომიკის ზრდასთანაა დაკვშირებული, მაგრამ საქართველოს შემთხვევაში ეს ასე არაა. ლარის კურსთან არანაირად არაა დაკავშირებული სეზონური ფაქტორი. ვფიქრობ ამის მიზეზი არის ის, რაც ბოლო წლების განმავლობაში ჩამოყალიბდა, ადამიანების რაღაც ჯგუფი წყვეტს როგორი უნდა იყოს ლარის კურის დღეს და როგორი ხვალ."- განაცხადა დემურ გიორხელიძემ.
