როგორც აქციიდან საპატრულო პოლიციის უფროსის მოადგილე ლაშა ჯოხაძე აცხადებს, უსაფრთხოების ზომები მაქსიმალურადაა დაცული. „ხალხი საკმარისი რაოდენობის გვყავს. ჯებირები გვაქვს მოტანილი. აქციის ყველა მონაწილის უსაფრთხოება იქნება დაცული. დავარეგულირებთ, რომ დაპირისპირება არ მოხდეს. რაიმე ინცინდენტის შემთხვევაში, ის სწრაფად აღმოიფხვრება",-აცხადებს ის. ამ დროისთვის, საგამოფენო ცენტრ „ექსპო-ჯორჯიას" მიმდებარე ტერიტორია გადაკეტილია. მობილიზებულნი არიან სამართალდამცავები, კონტროლდება „ექსპო-ჯორჯიას" ყველა შესასავლელი. გადაკეტილია ასევე სამტრედიის ქუჩა. „ნაციონალური მოძრაობის" პრაიმერის პარალელურად, არასამთავრობო ორგანიზაცია "ყოფილი პოლიტპატიმრები ადამიანის უფლებებისთვის" საპროტესტო აქციას მართავს. აქციაზე სამართალდამცველებმა 2 პირი დააკავეს.
