„ექსპო ჯორჯიაში" მიმდინარე „ნაციონალური მოძრაობის" პრაიმერზე, ახლადგადაყენებული საკრებულოს თავმჯდომარე, ზაალ სამადაშვილიც, გამოჩნდა. როგორც „რეპორტიორთან" ზაალ სამადაშვილმა განაცხადა, აქცის მონაწილეების მოთხოვნები არაადეკვატურია. „ამ ადამიანების პოზიცია ჩემთვის სრულიად მიუღებელია. ვფიქრობ, მარტივად შეიძლება ვუწოდო მათ კოლაბორაციონისტები. აქ შეკრებილ საზოგადოებას პრეზიდენტობის კანდიდატები თავიანთ პოზიციებს წარუდგენენ. პრაიმერები ერთი თვის განმავლობაში ტარდებოდა. ვფიქრობ, ეს არის ძალიან საინტერესო და ახალი პრაქტიკა ქართულ პოლიტიკაში. ისინი, ვინც ამას ეწინააღმდეგებიან, მარტივად რომ ვთქვა, არ არიან ადეკვატურები. მათი მოთხოვნა - „ნაციონალური მოძრაობა, როგორც პარტია უნდა აიკრძალოს" ვიმეორებ, არის არაადეკვატური მოთხოვნა",- განაცხადა ზაალ სამადაშვილმა.
