„ლარის კურსის გარკვეული ნიშნულის შენარჩუნება, მთავრობის ამოცანა არ არის", - ამის შესახებ  ეკონომიკისა და მდგრადი განვითარების მინისტრმა გიორგი კვირიკაშვილმა, მთვრობის სხდომის დასრულების შემდეგ  განაცხადა.

„არანაირი საგანგაშო მდგომარეობა არ არის. გამომდინარე იქიდან, რომ  პერიოდული, სეზონური ცვლილებებია, ჩვეულებრივად ხდება კურსის ცვლილება. მთავრობის ამოცანა არ არის ლარის კურსის გარკვეული ნიშნულის შენარჩუნება. მინდა, ყველა ექსპერტმა გაიგოს, რადგან ამ თემაზე ბევრი სპეკულაცია იყო. მთავრობის გრძელვადიანი ამოცანა ჯანსაღი სავაჭრო და ჯანსაღი საგადამხდელო ბალანსის შენარჩუნებაა, რაც, საბოლოო ჯამში, ლარის კურსზე აისახება", -  განაცხადა გიორგი კვირიკაშვილმა.