„საქართველოს ეროვნულ ბანკს აქვს რესურსი, რომ  ლარის კურსს  არაფერი დაემართოს", - ამის შესახებ,  ფინანსთა მინისტრმა ნოდარ  ხადურმა,  მთავრობის სხდომის დასრულების შემდეგ განაცხადა.

„საქართველოს ეროვნული  ბანკი  არის მონეტარული პოლიტიკის განმახორციელებელი. მიუხედავად ამისა, ლარის  კურსს საფრთხე  არ ემუქრება. საქართველოს ფინანსთა სამინისტრო ეკონომიკურ  გუნდთან  და ეროვნულ  ბანკთან, ასევე საერთაშორისო ორგანიზაციებთან ერთად მუშაობს და ეროვნულ ბანკს აქვს შესაბამისი რესურსი, რომ ლარის კურსს არაფერი დაემართოს. კარგად თუ ნახავთ, ნებისმიერი ქვეყნის  ვალუტის კურსი, გარდა ბელორუსიისა, ზუსტად ისე იცვლება, როგორც ლარის კურსი", - განაცხადა ნოდარ  ხადურმა.