კანის ფესტივალის პრიზიორი ირანელი კინორეჟისორი მოჰსენ მაჰმალბაფი  თეატრისა  და  კინოს სახელმწიფო  უნივერსიტეტის სტუდენტებისთვის  მასტერკლასს  გამართავს.

მაჰმალბაფი თბილისს  17-18 დეკემბერს  ეწვევა. ორდღიანი  მასტერკლასი 14:00-16:00 საათზე საქართველოს  თეატრისა და  კინოს  სახელმწიფო  უნივერსიტეტში გაიმართება, სადაც დასწრება მხოლოდ  უნივერსიტეტის  სტუდენტებს  შეეძლებათ. 

რეჟისორი 2001 წლის კანის ფესტივალის პრიზიორია. მასტერკლასი ორგანიზებულია თეატრისა და კინოს  სახელმწიფო  უნივერსიტეტისა  და  „20 Steps Production"-ის  მიერ.

მაჰმაბაფი 1957 წლის 29 მაისს ირანში დაიბადა. ის ძირითად, დრამაზე, კომედიაზე და დოკუმენტურ ფილმებზე მუშაობს.