პროფესორ ჯორჯიო კროჩისა და ინჟინერ კრისტიანო რუსოს მიერ სვეტიცხოვლის საკათედრო ტაძრის საკონსერვაციო მდგომარეობის წინასწარი კვლევა დასრულდა.
კვლევების შედეგად მიღებული მონაცემებით, შეირჩევა საუკეთესო მეთოდოლოგია მომავლში ინტეგრირებული საკონსერვაციო გეგმის და ადგილზე ფიზიკური სამუშაოების განხორციელებისთვის. სვეტიცხოვლის დიაგნოსტიკა და დოკუმენტაცია, რომელსაც მსოფლიოს მნიშვნელოვანი არქიტექტრული ძეგლების რესტავრატორები მოამზადებენ, სვეტიცხოვლის ტაძარში ფიზიკური სამუშაოების დაწყების საფუძველი გახდება.
პიზის კოშკის, კოლიზეუმის, ტრაიანეს ბაზრის, ნერონის სასახლის, ასიზის ბაზილიკის, აია სოფიასა და აქსუმის სტელას საკონსერვაციო სამუშაოების ავტორ პროფესორ ჯორჯიო კროჩთან და კრისტიანო რუსოსთან ერთად, მცხეთის და უშუალოდ სვეტიცხოვლის სანახავად საქართველოს იტალიის ძეგლების სარესტავრაციო კომპანიის პრეზიდენტი ატილიო ნავარაც ესტუმრა.
პროფესორ ჯორჯიო კროჩისა და ინჟინერ კრისტიანო რუსოს მეორე სამუშაო ვიზიტი დეკემბრის ბოლოს არის დაგეგმილი, რომლის ფარგლებში საერთაშორისო ექსპერტები ქართველი კოლეგებისთვის საჯარო ლექციას გამართავენ და მათ ჩატარებული კვლევების შედეგებს გააცნობენ.
