ქობულეთის გამგებელი თენგიზ ზოიძე სასამართლოს დარბაზიდან გაათავისუფლეს. ზოიძის ადვოკატის რამინ პაპიძის განცხადებით, მისი დაცვის ქვეშ მყოფს აღმკვეთი ღონისძიების არც ერთი სახე არ შეეფარდა.  მისივე თქმით, ზოიძესთან ერთად დაკავებულ ქობულეთის კეთილმოწყობის სამსახურის სპეციალისტს, ემზარ ჯინჭარაძეს კი სასამართლომ 5 000 ლარიანი გირაო შეუფარდა. შეგახსენებთ რომ, ქობულეთის გამგებელი 26 ივლისს ფინანსთა სამინისტროს საგამოძიებო სამსახურის თანამშრომლებმა, სამსახურებრივი უფლებამოსილების ბოროტად გამოყენების, ყალბი საგადასახადო დოკუმენტების დამზადება-გამოყენებისა და სახელმწიფოს კუთვნილი დიდი ოდენობით თანხების გაფლანგვის ბრალდებით დააკავეს.