აჭარის საზოგადოებრივი მაუწყებლის დირექტორი კვლავ სოსო სტურუა გახდა. აღნიშნული გადაწყვეტილება საზოგადოებრივი მაუწყებლის აჭარის ტელევიზიის მრჩეველთა საბჭომ ფარული კენჭისყრის შემდეგ მიიღო.

აჭარის ტელევიზიისა და რადიოს მაუწყებლის დირექტორის თანამდებობისთვის ექვსი კანდიდატი იბრძოდა: თამილა დოლიძე, თინათინ ცისკარაძე, სოსო სტურუა, სულხან მელაძე, მირანდა ჩარკვიანი და ირაკლი თავართქილაძე.

მრჩეველთა საბჭოს გადაწყვეტილებით, რომელშიც სულ სამი ადამიანი შედის, სოსო სტურუამ ორი ხმა, ხოლო თინათინ ცისკარაძემ ერთი ხმა მიიღო.