სასტუმრო „ჰოლიდეი ინნ"-ში საქართველოს ფინანსთა მინისტრმა „საქართველოს მთავრობა ღია მმართველობისთვის" პროექტის ფარგლებში საფინანსო-საბიუჯეტო და საგადასახადო სფეროში, ვალის მართვის, აგრეთვე ეკონომიკური დანაშაულის გამოძიების კუთხით მიმდინარე წელს განხორციელებული ღონისძიებების შესახებ ისაუბრა.
მისი შეფასებით, საქართველოში ეკონომიკის გამოცოცხლება შეინიშნება და მთავრობა ყველაფერს აკეთებს, რომ თავისუფალი ბიზნესგარემო შექმნას.
"ჩვენ ჯერ არ გვაქვს მთლიანი შიდა პროდუქტის თუნდაც შეფასებითი მაჩვენებელი, მაგრამ გვაქვს დამატებით გადამხდელი საწარმოების ბრუნვა და წელს ოქტომბერში ზრდამ შეადგინა 5,9%, ხოლო ნოემბერში 14,4% შეადგინა დღგ-ს გადამხდელი საწარმოების ბრუნვის ზრდამ, რაც ვფიქრობ, ძალიან კარგი მაჩვენებელია და ადასტურებს, რომ ქვეყანაში ეკონომიკის გამოცოცხლება შეინიშნება.. ჩვენ ვფიქრობთ, რომ ეკონომიკის მთავარი მამოძრავებელი ძალა ბიზნესი უნდა იყოს, ასევე, კერძო სექტორი და ჩვენი მთავრობა ყველაფერს აკეთებს, რომ თავისუფალი ბიზნესგარემო შექმნას", - განაცხადა ხადურმა.
მისი თქმით, ქვეყანაში მშენებლობების გამოცოცხლებაც შეინიშნება, რასაც ის ფაქტი ადასტურებს, რომ სამშენებლო მასალების იმპორტი გაიზარდა.
