„რეპორტიორის" პრესკლუბში გამართულ ბრიფინგზე „სამართლიანი საქართველოსთვის" ლიდერმა სერგო ჯავახიძემ ფინანსთა მინისტრ ნოდარ ხადურთან შეხვედრის დეტალებზე ისაუბრა. მისი განცხადებით, ფინანსთა სამინისტროსთან ერთობლივი მუშაობა ქვეყნის ეკონომიკისთვის წინ გადადგმული ნაბიჯი იქნება.
„პირადად შევხვდი ბატონ ნოდარ ხადურს და საკმაოდ გაგებით მოეკიდა ჩვენ წინადადებებს. ეს იყო დამატებითი ღირებულების, მოგების გადასახადთან დაკვშირებით და მცირე და საშუალო ბიზნესის განვითარების საკითხები. ფინანსთა სამინისტრო განიხილავს ჩვენ წინადადებებს, როგორც დღგ-ს გაუქმების კონტექსტში ასევე ბიზნესის განვითარების სფეროში. ფინანსთა სამინისტროს განხორციელებული რეფორმები პოზიტიურია, მაგრამ მათგან არცერთი არ იყო მცირე და საშუალო ბიზნესის განვითარებაზე. ვფიქრობ, ერთობლივი მუშაობის შემთხვევაში კარგ შედეგს მივაღწევთ და ეს იქნება ქვეყნის ეკონომიკისთვის წინ გადადგმული მნიშნველოვანი ნაბიჯი. ამ დღეებში უკვე შევიტანთ პროექტს ფინანსთა სამინისტროში და ვფიქრობ დადებით შედეგს მივიღებთ", - განაცხადა სერგო ჯავახიძემ.
