ევროსასამართლოს ყოფილი მოსამართლის და უზენაესი სასამართლოს ყოფილი თავმჯდომარე მინდია უგრეხელიძე ოთარ ფარცხალაძის ნასამართლეობასთან დაკავშირებით განმარტებებს აკეთებს.
მისი თქმით, თუ ნასამართლეობის ვადები გასულია, უფლება არ გვაქვს, მისი ნასამართლეობა გავიხსენოთ. „ადამიანმა რაც უნდა მძიმე დანაშაული ჩაიდინოს, თუ ეს კაცობრიობის წინააღმდეგ ან საერთაშორისო დანაშაული არ არის, იმას თავისი ხანდაზმულობის ვადები აქვს. თუ მან დანაშაული ჩაიდინა და შემდეგ სასჯელი მოიხადა, ამ ნასამართლეობის გაქარწყლება და მოხსნა არსებობს. ჩვენ არ ვიცით, რა დანაშაული აქვს ჩადენილი ფარცხალაძეს. ვთქვათ, რომ მძიმე დანაშაული ჩაიდინა, მაგრამ სასჯელი მოიხადა, ნასამართლეობის ვადები გასულია და ის სხვა მოქალაქეებთან არის გათანაბრებული, ჩვენ საერთოდ რაზე ვლაპარაკობთ. იმის უფლებაც კი არ გვაქვს, მისი ნასამართლეობა მოვიგონოთ და გავიხსენოთ", - განაცხადა გაზეთ „რეზონანსთან" საუბარში უგრეხელიძემ.
(მოამზადა თეონა რამაზაშვილმა)
