ამერიკის შეერთებული შტატების ელჩს საქართველოში, რიჩარდ ნორლანდს პარტიების დაფინანსების საკითხზე  კანონმდებლებისთვის კონკრეტული რეკომენდაციები არ აქვს. მისთვის ცნობილია, რომ აღნიშნული თემა პარლამენტში განხილვის საგანია. შესაბამისად, აშშ-ს ელჩი პარლამენტისგან სამართლიან გადაწყვეტილებას ელოდება. "დარწმუნებული ვარ ამ საკითხზე სამართლიანი გადაწყვეტილება იქნება მიღებული", - აღნიშნა რიჩარდ ნორლანდმა. რაც შეეხება საპრეზიდენტო კანდიდატებს შორის დებატებს,  აშშ-ის ელჩი საპრეზიდენტო დებატების სტრუქტურაზე კომენტარს ვერ აკეთებს, თუმცა "ჯანსაღ და საინტერესო დებატებს" ელის.