ეროვნული ბანკის ინფორმაციით, საქართველოს მთლიანმა საგარეო ვალმა 2013 წლის 30 სექტემბრის მდგომარეობით $13.3 მლრდ (22.2 მლრდ ლარი) შეადგინა, რაც ბოლო ოთხი კვარტლის მშპ-ს 83.7 პროცენტია.

აქედან,  სახელმწიფო საგარეო ვალმა შეადგინა $5.3 მლრდ (8.9 მლრდ ლარი), რაც მშპ-ს 33.3 პროცენტია, რომლიდანაც სამთავრობო სექტორის ვალია $4.1 მლრდ (6.8 მლრდ ლარი; მშპ-ს 25.7 პროცენტი), ეროვნული ბანკის ვალი - $373.9 მლნ (622.3 მლნ ლარი; მშპ-ს 2.4 პროცენტი), ხოლო სახელმწიფო საწარმოების ვალი -$836.5 მლნ (1.4 მლრდ ლარი; მშპ-ს 5.3 პროცენტი). საბანკო სექტორის საგარეო ვალმა შეადგინა $2.4 მლრდ (4.0 მლრდ ლარი), სხვა სექტორების საგარეო ვალმა -$3.4 მლრდ (5.6 მლრდ ლარი) და კომპანიათაშორისო ვალმა $3.1 მლრდ (5.1 მლრდ ლარი). მთლიანი საგარეო ვალის 94.1 პროცენტი დენომინირებულია უცხოური ვალუტით.

2013 წლის მესამე კვარტალში, წინა კვარტალთან შედარებით საქართველოს მთლიანი საგარეო ვალი $84.7 მლნ-ით (140.8 მლნ ლარით) შემცირდა, აქედან ვალი შემცირდა ოპერაციული სხვა და ფასის ცვლილებების  გამო, კლებამ შესაბამისად $141.7 მლნ (235.1 მლნ ლარი), $18.1 მლნ (30.1 მლნ ლარი) და $18.1 მლნ (30.1 მლნ ლარი) შეადგინა. ამავე კვარტალში დადებითი იყო მთლიანი საგარეო ვალის საკურსო  ცვლილებება და იგი $99.5 მლნ-ს (165.3 მლნ ლარს) უდრიდა.

საქართველოს წმინდა საგარეო ვალმა (სხვაობა მთლიან საგარეო ვალსა და სავალო ინსტრუმენტებში განთავსებულ საგარეო აქტივებს შორის) 2013 წლის 30 სექტემბრის მდგომარეობით $8.5 მლრდ (14.1 მლრდ ლარი) შეადგინა, რაც მშპ-ს 53.2 პროცენტია; აქედან,  წმინდა სახელმწიფო საგარეო ვალმა შეადგინა $2.2 მლრდ (3.7 მლრდ ლარი; მშპ-ს 13.9 პროცენტი), ხოლო კერძო სექტორის წმინდა საგარეო ვალმა - $6.2 მლრდ  (10.4 მლრდ ლარი; მშპ-ს 39.3 პროცენტი).