რეგიონული განვითარებისა და ინფრასტრუქტურის მინისტრის, დავით ნარმანიას განცხადებით სენაკს, სტიქიის შედეგად 800 ათას ლარამდე ინფრასტრუქტურული ზიანი მიადგა.  სტიქიის შედეგად უმეტეს წილად საგზაო და წყლის სისტემები დაზიანდა. 

"სენაკში გუშინ მომხდარი სტიქიის შედეგად მიყენებული ზარალის ოდენობა დაახლოებით დათვლილია. საუბარია 800 000 ლარამდე ინფრასტრუქტურულ ზიანზე. აქედან გამომდინარე, მთავრობის დღევანდელ სხდომაზე დავაყენებ საკითხს რეგიონებში განსახორციელებელი პროექტების ფონდიდან დაფინანსების გამოყოფასთან დაკავშირებით." - აცხადებს ნარმანია.
მოსახლეობის ის ნაწილი, რომელთა ევაკუაცია გუშინ სენაკიდან მოხდა საკუთარ საცხოვრებელ სახლებს უკვე დაუბრუნდა.