საქართველოს ფინანსთა მინისტრი ეროვნული ვალუტის კურსის რყევის საკითხს გამოეხმაურა და განმარტა, რომ ეროვნული ბანკი შესაბამის ღონისძიებებს ატარებს.
"ვფიქრობ, რომ ლარის კურსი დასტაბილურდა და რამდენიმე დღის განმავლობაში დოლარის კურსის შემცირების უმნიშვნელო, მაგრამ მაინც ტენდენცია იყო. ვფიქრობ, რომ პროცესი დასტაბილურდება და არანაირ გართულებას ადგილი არ ექნება. ეკონომიკური პროცესები არათუ შეფერხდება, შესაძლოა დაჩქარდეს.", - განაცხადა ხადურმა.
ნოდარ ხადურიმა ასევე გააკეთა განცხადება, იმის თაობაზე, რომ ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატს დაახლოებით, 3 მლნ ლარი, მთავრობის კანცელარიას კი 2 მლნ 100 000 ლარი გამოეყო.
"ეს თანხა სარეზერვო ფონდიდან სახელმწიფო მინისტრის აპარატს ევროატლანტიკურ სტრუქტურებში ინტეგრაციის პროცესის შეუფერხებელი წარმართვისთვის გამოეყო, მთავრობის კანცელარიას კი საკონსულტაციო მომსახურების შესყიდვისთვის და დეტალებზე უმჯობესია, შესაბამის უწყებებს მიმართოთ", - განაცხადა ხადურმა.
