"დემოკრატიული მოძრაობა - ერთიანი საქართველოს" პრესსამსახურის გავრცელებული ინფორმაციით, ქართველ ექსპერტ-პოლიტოლოგების ინიციატივით შეხვედრა დღეს გაიმართა და მას პრეზიდენტობის კანდიდატი ნინო ბურჯანაძე დაესწრო. ღონისძიებას ორგანიზებას უწევდა ნანა დევდარიანი. შეხვედრაზე საუბარი შეეხო საქართველოს საშინაო და საგრეო პოლიტიკურ საკითხებს, არსებულ მდგომარეობას და სამომავლო ხედვებს. ექსპერტებმა მოისმინეს, ნინო ბურჯანაძის ხედვა აღნიშნულ საკითხებთან დაკავშირებით. ამის შემდგომ შეხვედრა კითხვა-პასუხის რეჟიმში გაგრძელდა.
"დღეს გაიმართა ძალიან საინტერესო შეხვედრა. მე მადლობელი ვარ ქალბატონი ნანა დევდარიანის, რომელმაც ორგანიზება გაუკეთა ექსპერტებთან შეხვედრას. შეხვედრაზე ჩვენ ვსაუბრობთ საქართელოს საგარეო და საშინაო პოლიტიკაზე. ექსპერტებს აინტერესებდათ ჩემი, როგორც საპრეზიდენტო კანდიდატის, მოსაზრებები ჩემს საპრეზიდენტო პროგრამასთან დაკავშირებით, როგორ ვხედავ მე ქვეყნის მომავალ განვითარებას, როგორც საგარეო, ასევე საშინაო პოლიტიკის კუთხით. მათ ასევე აინტერესებდათ დღევანდელი რეალობის შეფასება. ვფიქრობ, ეს დისკუსია იქნება საინტერესო ორმხრივად, რადგან ჩემთვისაც საინტერესოა კვალიფიციური მოსაზრებების მოსმენა. მიმაჩნია, რომ საქართველოს აქვს სერიოზული პრობლემები, როგორც საშინაო, ისე საგარეო პოლიტიკურ კურსთან დაკავშირებით და ამაში დამეთანხმა ექსპერტების აბსოლუტური უმრავლესობა. ამ პრობლემას სასწრაფოდ გამოსწორება და შველა სჭირდება, რადგან პრობლემები გროვდება და რაც დრო გადის, პრობლემების მოგვარება უფრო და უფრო რთული ხდება", - განაცხადა ნინო ბურჯანაძემ.
