საქართველოს ფინანსთა მინისტრის, ნოდარ ხადურის განცხადებით, 2013 წლის მეორე და მესამე კვარტლის მონაცემებით, კერძო სექტორში 30 ათასი სამუშაო ადგილი შეიქმნა.
როგორც ხადური განმარტავს, პროგნოზი უმუშევრობის 17%-მდე ზრდასთან დაკავშირებით უსაფუძვლოა, რადგან სამუშაო ადგილების შექმნის პარალელურად უმუშევრობის ზრდა შეუძლებელია.
„თუკი იზრდება სამუშაო ადგილების რაოდენობა, პარალელურად უმუშევრობის ზრდა შეუძლებელია. ორგანიზაციები, რომლებიც პესიმისტურ ციფრებზე საუბრობენ, საკუთარ მოსაზრებებს ასაღებენ პროგნოზად. საქართველოს დღეს გაცილებით დიდი პრობლემა აქვს, ვიდრე 17%-იანი უმუშევრობა. ჩვენი მოსახლეობის მხოლოდ 30% მიიჩნევს, რომ დასაქმებულია. ამიტომ, ჩვენი ამოცანაა არა პროგნოზებზე მსჯელობა, არამედ ბიზნესის რეალური განვითარების ხელშეწყობა“ - განაცხადა ნოდარ ხადურმა.
