ბანკების ასოციაციის პრეზიდენტი, ზურაბ გვასალია პრემიერ-მინისტრ, ირაკლი ღარიბაშვილთან შეხვედრაზე იმ თემების წამოწევას აპირებს, რომელიც დღეისთვის საბანკო სექტორს აწუხებს.
"დავსვამთ იმ საკითხებს, რომლებიც საბანკო სექტორს აწუხებს და იმედი გვაქვს, რომ მათზე პასუხებს მივიღებთ. ეს გარკვეულ საკანონმდებლო ცვლილებებს ეხება, რომელმაც შესაძლოა საბანკო სექტორს სამომავლოდ რიგი პრობლემა შეუქმნას, დაკონკრეტებისგან ახლა თავს შევიკავებ, მაგრამ საკითხი ძალზედ მნიშვნელოვანია.
ერთ-ერთი პრობლემური საკითხია სასოფლო-სამეურნეო სარგებლობაში არსებულ მიწებზე მორატორიუმის გამოცხადება. ეს არა მარტო საბანკო სექტორს, არამედ თავად ფერმერებსაც პრობლემებს უქმნის, ჩვენ გვაინტერესებს რამდენი ხანი გაგრძელდება ეს მორატორიუმი და სამომავლოდ რა გადაწყვეტილებას მიიღებს მთავრობა",'- დასძინა გვასალიამ.
