"ქართული დასი" სასამართლოსთან ბრალდებული სასულიერო პირების მხარდამჭერ აქციას გამართავს პარტია "ქართული დასის" ლიდერი ჯონდი ბაღათურია 17 მაისის აქციის მონაწილე სასულიერო პირების სასამართლო პროცესს ეხმაურება და აცხადებს, რომ მათთვის ბრალის წაყენება, საქართველოს ისტორიის შავი ლაქაა. „რამდენი ადამიანიც მოვახერხებთ, იმდენი ადამიანი დავესწრებით სასამართლო პროცესს, დანარჩები კი, სასამართლოს ეზოში შეიკრიბებიან და სასულიერო პირების მხარდაჭერას გამოხატავენ",- განაცხადა ბაღათუარია. შეგახსენებთ, დღეს, 14:00 საათზე, თბილისის საქალაქო სასამართლოში 17 მაისის აქციის მონაწილე ორი სასულიერო პირის, სამების ტაძრის არქიმანდრიტ, მამა ანთიმოზ ბიჩინაშვილსა და იოანე-თორნიკე ერისთავის სახელობის დედათა მონასტრის იღუმენ, მამა იოთამ ბასილაიას სასამართლო პროცესი გაიმართება.
