„სამართლიანი არჩევნებისა და დემოკრატის საერთაშორისო საზოგადოებამ"  და „ახალგაზრდა იურისტთა ასოციაციამ", ბათუმის საქალაქო სასამართლოში სარჩელი შეიტანეს. არასამთავრობო ორგანიზაციები ითხოვენ, აჭარის უმაღლესმა საბჭომ შეაჩეროს რესპუბლიკური ბიუჯეტის შესახებ  კანონში შეტანილი ცვლილება, რომლის თანახმადაც 13 554 400 ლარი ინფარსტრუქტურულ და სოციალურ პროექტებს მოხმარდება. როგორც არასამთავრობოების მიერ გავრცელებულ განცხადებაშია ნათქვამი, საარჩევო კოდექსის 49-ე მუხლის თანახმად არჩევნების დანიშვნის დღიდან  შედეგების შეჯამებამდე, იკრძალება ისეთი პროგრამების განხორციელება რომელიც მანამდე არ ყოფილა გათვალისწინებული ბიუჯეტში, ასევე აკრძალულია უკვე გათვალისწინებული პროგრამების დაფინანსების გზაც.