ეკონომიკის ყოფილმა მინისტრმა და ბიზნესემენმა კახა ბენდუქიძემ საქართველოს ეკონომიკაში არსებული პრობელემების გამომწვევ მიზეზებზე „ბიზნესკურიერთაან“ ისაუბრა. მისი თქმით, პრობლემები   ხელისუფლების მიერ წინა მთავრობის კურსის ცვლილებამ გამოიწვია.

როგორც ბენდუქიძე აცხადებს, შარშან განხორციელებულმა საკანონმდებლო ინიციატივებმა ეკონომიკის მხოლოდ 3%-იანი ზრდა მოიტანა, რაც ქართული ეკონომიკისთვის  წარმატებულად ვერ ჩაითვლება. მოსაზრება იმის შესახებ, რომ ინფლაციური პროცესი ეკონომიკურ განვითარებას ხელს შეუწყობს, უსაფუძვლოა.

„საქართველოში 2004 წლიდან დაწყებული ბევრი რეფორმა ჩატარდა და მივიღეთ რაღაც ტიპის ეკონომიკური მანქანა, რაც მემკვიდრეობით გადაეცა ახალ ხელისუფლებას. არჩევნებმა ამ მანქანის ახალი მძღოლი შეარჩია. ამ მძღოლს ორი შესაძლებლობა აქვს, განაგრძოს იგივე მანქანით მოძრაობა ან მისი სასწრაფო გადაკეთება დაიწყოს. ერთ-ერთი მთავარი პრობლემა იყო ის, რომ მძღოლმა იმის მაგივრად რომ გაეგრძელებინა ამ მანქანით სვლა, მან დაიწყო ამ მანქანის გადაკეთება“, - განაცხადა ბენდუქიძემ.

მისივე თქმით, ეკონომიკური რეფორმების ხშირად განხორციელება და კურსის  ცვლილება ბიზნესსა და უცხოელ ინვესტორებში გაურკვევლობას იწვევს. კანონშემოქმედებითი საქმიანობა  კი ძალიან სეზრუდული უნდა იყოს და არეულობებისგან  თავის არიდების მიზნით ის  პრემიერ-მინისტრმა უნდა გააკონტროლოს.

„რაც შეეხება ინფლაციას, მე მნიშვნელოვან ინფლაციას არ ველდები. შესაძლოა გარკვეულ პროდუქტებზე გაიზარდოს ფასები, მაგრამ ჯამური ინფლაცია იქნება ასე თუ ისე სტაბილური. თუ ამ მანქანის სწრაფ გადაკეთებას მთავრობა თავს დაანებებს, მაშინ შანსი არის იმისა, რომ ჩვენი ეკონომიკა განვითარების კუთხით სვლას განაგრძობს.“, - განაცხადა კახა ბენდუქიძემ „ბიზნესკურიერთან“ საუბრისას.

(მოამზადა რუსუდან ჯაბანიშვილმა)