საქართველოს პრეზიდენტი გიორგი მარგველაშვილი თურქეთის რესპუბლიკაში სახელმწიფო ვიზიტით გაემგზავრა. როგორც „რეპორტიორს“პრეზიდენტის პრესსამსახურიდან აცნობეს, ვიზიტის ფარგლებში დაგეგმილია საქართველოს პრეზიდენტის შეხვედრა თურქეთის რესპუბლიკის პრეზიდენტთან აბდულა გიულისთან, საქართველოს პირველი პირი ასევე შეხვდება თურქეთის პრემიერ-მინისტრ რეჯეფ თაიფ ერდოღანს და დიდი ეროვნული მეჯლისის თავმჯდომარეს ჯემილ ჩიჩეკს.
ოფიციალურ პირებთან შეხვედრის დაწყებამდე, გიორგი მარგველაშვილი ათათურქის მავზოლეუმს მოინახულებს და მის საფლავს გვირგვინით შეამკობს
ანკარაში ვიზიტის ფარგლებში, საქართველოს პრეზიდენტი თურქეთში მცხოვრებ ქართველებსაც შეხვდება.
ოფიციალური შეხვედრების შემდეგ ანკარაში საქართველოსა და თურქეთის პრეზიდენტების ერთობლივი პრესკონფერენციაც გაიმართება.
