საქართველოს პრეზიდენტმა შეწყალების თაობაზე განკარგულება გამოსცა.  როგორც “რეპორტიორს“  პრეზიდენტის პრესსამსახურიდან აცნობეს, პრეზიდენტმა ხელი მოაწერა "სასჯელის სხვადასხვა ზომით მსჯავრდებულთა შეწყალების შესახებ, საქართველოს პრეზიდენტის 2014 წლის, 19 იანვრის #19/01/01" განკარგულებას, რომლის თანახმადაც სულ შეწყალებულია 54 პირი, საიდანაც 2 არასრულწლოვანი და 3 ქალია.

პრეზიდენტის განკარგულება გადაეგზავნა სასჯელაღსრულების, პრობაციისა და იურდიული დახმარების საკითხთა სამინისტროს.

შეწყალებულმა პირებმა საპატიმროები უკვე დატოვეს.