სენაკში, სტიქიის ზონაში, დღეს რეგიონული განვითარებისა და ინფრასტრუქტურის მინისტრი დავით ნარმანია და ენერგეტიკის მინისტრი კახი კალაძე იმყოფებოდნენ. 
როგორც ინფრასტრუქტურის მინისტრი დავით ნარმანია აცხადებს, გამგეობაში შეიქმნება სპეციალური ჯგუფი, რომელიც ზარალს შეისწავლის და ამის შემდეგ იქნება მიღებული გადაწყვეტილება მოსახლეობას გაეწევა მატერიალური თუ ფინანსური დახმარება. ამ პროცესს მონიტორინგს არასამთავრობო სექტორი გაუწევს. 
დავით ნარმანიას განცხადებით, დაზიანებული ინფრასტრუქტურის აღსადგენად 800 000 ლარი უკვე გამოყოფილია და დღის ბოლომდე მოხდება წყლის მიწოდების აღდგენა. 
ენერგეტიკის მინისტრი კახი კალაძე კი აცხადებს, რომ რამდენიმე ოჯახი დღესაც რჩება ელექტროენერგიის გარეშე, თუმცა ეს პრობლემაც დღის ბოლომდე მოგვარდება.