ყოფილი დეპუტატი ეკა ხერხეულიძე თავდაცვის ყოფილი მინისტრის თენგიზ კიტოვანის ბრალდებებს პასუხობს.
"90-იან წლებში ცნობილი ლეკიანობის დროს,როდესაც ადამიანებს ქუჩიდან იტაცებდნენ განსხვავებული პოლიტიკური მოსაზრებების გამო ,მეც ბევრჯერ ვყოფილვარ განუკითხაობის მსხვერპლი.ერთ-ერთი მორიგი მიტინგის შემდეგ მე და ჩემი მეგობარი თამუნა ჩოგოვაძე (ორივე პირველი კურსის სტუდენტები გახლდით)თავისუფლების მოედნიდან გაგვიტაცეს.თამუნა მალე გაათავისუფლეს,მე სამი დღე მეძებდნენ . თბილისის ზღვაზე სტუდენტების მოთხოვნით შეხვედრა მოხდა კიტოვან-სიგუასთან ჩემი ადგილსამყოფელის დადგენის მიზნით.ვიდეო,რომელიც ასახავს ამ ფაქტს ,ბევრის მეხსიერებაში დარჩა ჩემი მონაწილეობით,თუმცა რეალურად იქ იმყოფებოდნენ გოჩა კელენჯერიძე და ანი შაყულაშვილი.ამ ფაქტს დიდი რეზონანსი მოყვა დასავლეთშიც და კიტოვანი იძულებული გახდა გავეთავისუფლებინე.თუმცა,ძალიან მალე ისევ დამაპატიმრა სამშობლოს ღალატის ბრალდებით და უკიდურესად განიცდის,რომ საერთოდ არ მომკლა,ვინაიდან ისე არავის აწუხებს ამ მაოხრებელის თავისუფლება,როგოც მე .მომდის უამრავი წერილი,რომ არ ვიღელვო მის ცილისწამებლურ განცხადებებზე და ყველას საჯაროდ გიცხადებთ-არ ვნერვიულობ ,პირიქით,ჩემთვის დიდი გამოწვევაა და არ ვაპირებ ძალმომრეობას დავნებდე" - აცხადებს ხერხეულიძე.
შეგახსენებთ, რომ თენგიზ კიტოვანმა „რეპორტიორთან ინტერვიუში ეკა ხერხეულიძე ნარკობიზნესში დაადანაშაულა.
