უკრაინის პრეზიდენტ ვიქტორ იანუკოვიჩთან ოპოზიციის ლიდერების შეხვედრა დასრულდა. "კორესპონდენტ.ნეტ"-ის ცნობით, შეხვედრის შემდეგ, რომელიც სამ საათზე მეტხანს გაგრძელდა, ოპოზიციის ლიდერებს კომენტარი არ გაუკეთებიათ.

პრეზიდენტის პრესსამსახურის ცნობით, დღევანდელ შეხვედრაში უშიშროების საბჭოს მდივანი ანდრეი კლიუევი, პრეზიდენტის მრჩეველი ანდრეი პარტნოვი, იუსტიციის მინისტრი ელენა ლუკაში, პარტია "უდარის" ლიდერი ვიტალი კლიჩკო, საპარლამენტო ფრაქცია "ბატკივშინას" ლიდერი არსენი იაცენიუკი, პარტია "სვობოდას" ლიდერი ოლეგ ტიაგნიბოკი მონაწილეობდნენ.