ტელეკომპანია „ალ ჯაზირას" მიერ გავრცელებული ინფორმაციით გერმანიის, უნგრეთის, სლოვენიისა და იტალიის ოლიმპიურმა კომიტეტებმა ელექტრონული ფოსტით მუქარის შემცველი წერილები მიიღეს, სადაც აღნიშნულია, რომ სოჭის ოლიმპიადაში მონაწილე სპორტსმენების ოაჯხის წევრებზე თავდასხმა განხორციელდება.
„მიღებული წერილები საერთაშორისო ოლიმპიურ კომიტეტსა და რუსულ მხარეს გადავუგზავნეთ. წერილების ანალიზის შედეგად, ორივე მხარემ ოფიციალურად განგვიცხადა, რომ მუქარა არ არის საფრთხის შემცველი და წერილის ავტორი მსგავსი შინაარსის შეტყობინებებს ოლიმპიური ოჯახის უამრავ წევრს უგზავნის", - განაცხადა უნგრეთის ოლიმპიური კომიტეტის წარმომადგენელმა ზიგმუნდ ნაგიმ.
რამდენიმე კვირის წინ, ისლამისტურმა ტერორისტულმა დაჯგუფებამ "ანსარ ალ-სუნამ" გაავრცელა ვიდეო, სადაც სოჭის ზამთრის ოლიმპიური თამაშების დროს ტერაქტების განხორციელებით იმუქრებოდა.
(მოამზადა თეონა რამაზაშვილმა)
