ფარული ჩანაწერების განადგურების საკითხებზე, კომისიის მსჯელობის შემდეგ, სახალხო დამცველი, უჩა ნანუაშვილი შეხვედრას აფასებს.  მისი თქმით,  მნიშვნელოვანია, რომ სახელმწიფო იღებს პასუხისმგებლობას ფარული ჩანაწერების განადგურებაზე. 

"ჩემთვის ძალიან მნიშვნელოვანია, რომ თომას ჰამარბერგის რეკომენდაციების დიდი ნაწილი, ფაქტობრივად, უმრავლესობა არის გათვალისწინებული. რეალურად შეიძლება ითქვას, რომ მაქსიმალურად იქნება დაცული პირადი ცხოვრების უფლება ამ კადრების განადგურების შემდეგ." - განაცხადა  ნანუაშვილმა. 

ფარული ჩანაწერების კოპიების არსებობაზე და მისი განადგურების მეთოდებზე კომისიის წევრებს არ უსაუბრიათ.
" არ არის გამორიცხული, რომ უახლოეს დღეებში მოხდეს გამომჟღავნება და კოპიების აღმოჩენა." - აღნიშნა სახალხო დამცველმა.