„ეკონომიკა ძალიან მნიშვნელოვანი და კომპლექსური თემაა, ამიტომ საქართველოს ეკონომიკის დღევანდელი მდგომარეობა არ არის ერთი კონკრეტული მიზეზის შედეგი. მიზეზი ბევრია. საერთაშორისო სავალუტო ფონდის ანგარიშით, საქართველოს ეკონომიკის ვარდნა დაიწყო არა წელს, არამედ შარშან. საქართველოში წლების განმავლლობაში დამკვიდრებული იყო ერთი ტიპის ეკონომიკური სისტემა. ახალი ხელისუფლების მოსვლის შემდეგ ქვეყანაში ბევრი რამ შეიცვალა სისტემურად. ნებისმიერი ცვლილებისას ამ პროცესის მონაწილეები ახალ სისტემაზე უნდა გადაეწყონ. ბიზნესმენებმა უნდა დაიჯერონ რომ ე.წ „კრიშა" აღარ არის აუცილებელი რისკის გასაწევად და ინვესტიციების გასაღებად. იმ კომპანიებმა, რომლებიც პრივილეგირებულ მდგომარეობაში იყვნენ და სახელმწიფო დაკვეთებს იღბდნენ უკონკურენტოდ და გარანტირებული ჰქონდათ ტენდერების მიღება, წლების განმავლობაში სისტემა ააწყეს. ახლა მათ ეს პრივილეგია დაკარგეს და კონკურენტულ გარემოში უწევთ გადასვლა.''- განაცხადა დავით უსუფაშვილმა გადაცემაში „მთავარი კითხვა".
პარლამენტის თავმჯდომარემ ქვეყნის ბიზნესურთიერთობებზე ისაუბრა და აღნიშნა, რომ ეკონომიკა და ბიზნესურთიერთობები მომავლის პროგნოზზეა დამყარებული. ქვეყანაში არასტაბილურმა და გაურკვეველმა სიტუაციამ კი ბიზნესწრეებში და ინვესტორებში შფოთი გამოიწვია.
მისივე განცხადებით, წინა ხელისუფლების დროს ეკონომიკა ციფრებით იცვლებოდა, მაგრმ ეს ზრდა მოსახლეობის მხოლოდ 5%-ის კეთილდღეობაზე ახდენდა გავლენას. საზოგადოების დარჩენილ ნაწილს კი „არც ეკონომიკური ზრდის ეტყობოდა რამე და არც ბიუჯეტის გახუთმაგების." დღევანდელმა ხელისუფლებამ კი სისტემა, რომელიც ელიტარული ბიზნესის კეთილდღეობაზე იყო მორგებული, მოსახლეობის კეთილდღეობაზე გადაცვალა.
