საქართველოს ფინანსთა მინისტრი ნოდარ ხადური აცხადებს, რომ ლარის კურის გაუფასურებამ საწვავის ფასის პროპორციული ზრდა არ უნდა გამოიწვიოს. მისი თქმით, ნავთობის ფასი შეიძლება ოდნავ გაიზარდოს, მაგრამ ეს არ უნდა იყოს პროპორციული.

რაც შეეხება ლარის გაუფასურებას, მინისტრის თქმით, დოლარის მიმართ ყველა ვალუტა წონას კარგავს.

„ქართულმა ლარმა პოზიციები დაახლოებით 8 პროცენტით შეასუსტა მაშინ, როდესაც სხვა ქვეყნებში არის 2, 40 და 50 პროცენტიანი ვარდნაც. ჩვენთან სიტუაცია არის ნორმალური, რადგან ბევრი ანალიზის შედეგად მივედით დასკვნამდე, რომ სერიოზულ ცვლილებებს არ უნდა ველოდოთ“, - განაცხადა ხადურმა.