პრეზიდენტმა, მიხელ სააკშვილმა, ამ წუთებში მიმდინარე სპეციალურ ბრიფინგზე, ბაჩო ახალაიას და მასთან ერთად ბრალდებული  პირების შესახებაც გააკეთა კომენტარი. „პრობლემებია თავდაცვაში, ჩვენ ვნახეთ, რომ ტენდერებში გაიმარჯვეს ვიღაც საეჭვო პირებმა. ამას დაემატა ისც, რომ ასობით ჯარისკაცი მოიწამლა ამ რამდენიმე დღის წინ.  ჯარისკაცს ასე არ უნდა ვეპყრობოდეთ. კიდევ კარგი, ლიმიტიანი კვება შეცვალეს. მაგრამ მოქმედი ოფიცრების გასამართლება? თქვეს, ჯარისკაცები არბენინეს სენაკის ბაზაზე წელსზევით შიშვლები და ე.წ. „აჯიმანიები" აკეთებინესო. „აჯიმანიებს" რუს საბჭოთა ჯარში მეც მაკეთებინებდნენ დღეში ათჯერ, და მარბენინებდნენ წელსზევით შიშველს, მინის 30 გრადუსიან სიცივეში, ცამეტიდან-ოც კილომეტრამდე. მაშინ  ყველა ვინც, ჩემი ოფიცერი იყო უკრაინაში, უნდა დაიჭირონ და გაასამართლონ? გენერალი კალანდაძე უნდა იჯდეს ციხეში, და ე.წ. გენერალი კიტოვანი ჭკუას გვარიგებდეს ტელევიზიებიდან? ეს არ არის სამართლიანი მიდგომა,"- განცხადა პრეზიდენტმა.