პრეზიდენტობის კანდიდატმა, მიხეილ სალუაშვილმა  ახალი საპრეზიდენტო პროგრამა წარმოადგინა, რომელიც ორი ნაწილისგან შედგება. ძირითადი აქცენტი სალუაშვილმა არსებულ პოლიტიკურ ვითარებაზე და სამომავლო გეგმებზე გააკეთა. „წინასაარჩევნო პერიოდი მოგეხსენებათ  ორი ძირითადი ფაქტორით ხასიათდება. მასობრივი ინფორმაციის საშუალებებში გამოთქმული ინფრომაციით და  ფინანსური შესაძლებლობით. მასობრივი ინფორმაციის საშუალებით მოსახლეობამდე ინფორმაციის მიტანა მეტ ნაკლებად დარეგულირებულია, რაც შეეხება პარტიების დაფინანსების საკითხს, ჩემი აზრით დაფინანსება ამ ეტაპზე საჭირო არ არის."-აცხადებს სალუაშვილი.