„ქრისტიან-დემოკრატიული მოძრაობის" წევრი და საპრეზიდენტო კანდიდატი, გიორგი თარგამაძე,  ამერკის ელჩთან, რიჩარდ ნორლანდთან შეხვედრის შემდეგ „რეპორტიორს" ესაუბრა. მსჯელობა საარჩევნო გარემოს კონკურენტუნარიანობასა და დაბალანსებას შეეხო. „ერთი კვირის წინ ვთხოვე ამერიკის ელჩს რომ  გამოენახა  დრო და შეხვედროდა არასაპარლამენტო,  პოლიტიკურ ძალებს.  განსაკუთრებით იმ საპრეზიდენტო კანდიდატებს, რომლებიც  საპრეზიდენტო არჩევნებში მონაწილეობას იღებენ. ამერიკის საელჩომ ამ შეხვედრას ორგანიზება დროულად გაუკეთა  და დღეს საათნახევრის განმავლოლბაში, 14-ზე მეტი პოლიტიკური ძალის ლიდერს ჰქონდა შესაძლებლობა საარჩევნო გარემოსთვის  საკუთარი შეფასება მიეცა."  -აცხადებს თარგამაძე. საპრეზიდენტო კანდიდატი აცხადებს, რომ საარჩევნო კოდექსთან დაკავშირებით, „ქართულ ოცნებას" ხისტი დამოკიდებულება აქვს. ამერიკის ელჩი, შეხვედრაზე მყოფ პირებს დახმარებას  დაპირდა. „ამერიკის ელჩმა, სრულიად ნათლად, ბრძანა, რომ აშშ.  მხარს უჭერდა და ყოველთვის აქტიურად მონაწილეობდა ქვეყანაში კონკურენტული საარჩევნო გარემოს ჩამოყალიბების პროცესში. ამ მხრივ,  უნდა აღვნიშნოთ, რომ ამერიკელებმა წლების განმავლობაში საკმაოდ დიდი, პოლიტიკური, არამედ  ფინანსური ინვესტიციაც ჩადეს ამ საქმეში, რომ ვითარება ოდნავ მაინც გამოსწორებულიყო.  სრული უპასუხისმგებლობა იქნება, თუ კი საერთაშორიო ორგანიზაციების ძალისხმევასაც და ჩვენს საერთო მცდელობას,  ვითარება გამოსწორდეს და არჩევნებთან დაკავშირებით ქვეყანაში კითხვები აღარ ჩნდებოდეს  არ მივხედავთ.  თუკი „ქართული ოცნება" ამ სამართლიან, ობიექტურ  მოთხოვნას ზურგს შეაქცევს და კვლავ სადავოდ დატოვებს საკითხს კონკურენტული და სამართლიანი არჩევნების ჩატარებასთან დაკვშირებით."-განაცხადა თარგამაძემ.