საქართველოს პრეზიდენტმა დღეს პარლამენტის უმცირესობის წევრებთან შეხვედრისას  თენგიზ გუნავას გათავისუფლების სამართლიანობაზე ისაუბრა. „ჩვენ არ  უნდა მივცეთ საშუალება, რომ ადამიანები უსამართლოდ მოხსნან, დაიჭირონ, დაჩაგრონ მხოლოს იმის გამო, რომ თვალში არ მოსდით მისი პატიოსნება, წესიერება და პრინციპულობა."- განაცხადა პრეზიდენტმა. სააკაშვილის თქმით, სამეგრელო-ზემო სვანეთის გუბერნატორის გათავისუფლების შემდეგ  „ზოგიერთ პოლიტიკოსს შერცხვა". „საბოლოო ჯამში ტყუილი და მითი ინგრევა"- განაცხადა სააკაშვილმა. მისი შეფასებით, არასამთავრობო ორგანიზაციები, რომლებიც გუნავას გათავისუფლებას არასამართლიანად მიიჩნევდნენ, ბოლო თვეების განმავლობაში  იმ უსამართლობაზე ხუჭავდნენ თვალს, რომელიც  მიმდინარეობდა.