„ნაციონალური მოძრაობა“ საპრეზიდენტო არჩევნების გამოსავლენ პრაიმერის დასკვნით ეტაპზე გადადის. შემაჯამებელი ბრიფინგი პარტიის ოფისში პარტიის მდივნის მოვალეობის შემსრულებელმა გიორგი ვაშაძემ გამართა. ამ დროისთვის პრაიმერი „ნაციონალურმა მოძრაობამ“ სამ რეგიონში ჩაატარა და ყველგან დავით ბაქრაძემ გაიმარჯვა.
„ძალიან საინტერესო დებატები იყო. Facebook-ის მეშვეობით მთელი ღამე განიხილავდნენ შედეგებს. ვფიქრობთ, ეს ჯანსაღი პროცესია. მომავალში „ნაციონალური მოძრაობა“ ერთპიროვნული გადაწყვეტილებების მიღებას არ აპირებს. ყველა მისი მხარდამჭერი პარტიის ყველა მისაღებ გადაწყვეტილებაში იქნება ჩახედული. ესაა პარტიის მართლაც მნიშვნელოვანი გაჯანსაღება. „ნაციონალური მოძრაობა“ ხდება პლატფორმა ყველა ინტერესჯგუფისთვის, თავისი წვლილი შეიტანონ ქვეყნის განვითარებისთვის“, – განაცხადა მან.
