„ბიბისი"-ს ინფორმაციით, ავსტრალიის კუნძულ ტასმანიის სანაპიროზე გიგანტური მედუზა აღმოაჩინეს. ავსტრალიელმა ჯოზი ლიმ მეტრ-ნახევრიანი მედუზა სანაპიროზე გასულ თვეს იპოვა და აღმოჩენის შესახებ „სამეცნიერო და სამრეწველო კვლევითი ორგანიზაციას" (CSIRO) შეატყობინა.

ამჟამად მეცნიერები მედუზას სწავლობენ. ტასმანიის წყლებში გასულ წლებშიც შენიშნეს გიგანტური მედუზები, თუმცა მეცნიერებმა ჯერ ვერ დაადგინეს, თუ რამ განაპირობა სამხრეთულ წყლებში ამგვარი ზომის მედუზების არსებობა. ყველაზე დიდი მედუზის სახეობა - Cyanea Arctica ნაპოვნია სამხრეთ ანტარქტიდისა და არქტიკის წყლებში, ისინი სამ მეტრამდე იზრდებიან.

(მოამზადა ლილუ მიროტაძემ)