„ჩვენ თავიდანვე ვამბობდით, რომ ლარის კურსის ვარდნა იყო დროებითი მოვლენა", - ამის შესახებ საქართველოს ფინანსთა მინისტრმა ნოდარ ხადურმა ჟურნალისტებს მთავრობის სხდომის შემდეგ, ლარის გამყარების კომენტირებისას განუცხადა.
მისი თქმით, ერთ რამეზე ყველა უნდა შეთანხმდეს, რომ კონკრეტული პროგნოზები არ არის სწორი არც ექსპერტების, არც მთავრობის და არც ეროვნული ბანკის მხრიდან.
„ჩვენ თავიდანვე ვამბობდით, რომ ეს იყო დროებითი მოვლენა და ამ პროცესზე არ შეიძლებოდა ყოფილიყო ძალიან დიდ აქცენტი გადატანილი. ყველაფერი ხდება არა მხოლოდ საქართველოში, არამედ მსოფლიოში. ჩვენ თავიდანვე ვთქვით, რომ ყველაფერი, ყველა მაკროეკონომიკური და ეკონომიკური ფაქტორი მეტყველებს იმას, რომ საქართველოში ლარის კურსის გაუფასურება არ იქნებოდა ხანგრძლივი პროცესი", - განაცხადა ხადურმა.
