დილაობით სახის ყინულის ნაჭრებით გაწმენდა კანს ატონიზირებს და საუკეთესოდ ახორცებს მიკროჭრილობებს.
პილინგის გაკეთება გაწმენდილ, ტენიან სახეზე გაიკეთეთ და ჩამოიბანეთ არა მატონიზირებლით, არამედ თბილი წყლით.
სახეზე ნებისმიერი კრემი დაბანიდან 15 წუთის შემდეგ უნდა წაისვათ. ტენიან კანზე კრემის ფენის წასმა სითბოს შეგუბებას და თბორეგულაციის დარღვევას იწვევს.
ოცდახუთ წელს გადაცილებული ქალებისთვის სასურველია მარტივი ყოველდღიური "სახის ვარჯიში". 5 წუთის განმავლობაში მსუბუქად დაიმუშავეთ მთელი სახე თითების ბალიშებით. ეს აუმჯობესებს სისხლის მიმოქცევას და ნაოჭების წარმოქმნას ხელს უშლის.
ნებისმიერი ნიღაბი უფრო ინტენსიურად იმოქმედებს, თუ ათი წუთით ადრე ორთქლის აბაზანას მიიღებთ. გაფართოებულკაპილარებიანი კანისათვის ორთქლის აბაზანა თბილი კომპრესით შეცვალეთ.
ცხიმიან კანთან ბრძოლა სპირტის შემცველი საშუალებებით დაუშვებელია. ის კანის ზედა ფენას გამოაშრობს, ხოლო ცხიმის გამოყოფის პრობლემას არ მოგიხსნით.
ცხიმიანი და მგრძნობიარე კანი კარგად იწმინდება სალბის, გვირილის, ქრისტესისხლას, ორკბილას ნაყენით და სელის მარცვლების ნახარშით.
(მოამზადა რუსუდან ჯაბანიშვილმა)
