ცენტრალური სადაზვერვო სამმართველოს ყოფილმა თანამშრომელმა ედუარდ სნოუდენმა ჟურნალისტებს ამერიკის სპეცსამსახურების ათასობით საიდუმლო მასალა გადასცა. იუწყება РИА НОВОСТИ გაზეთ NEW YORK TIMES-ზე დაყრდნობით.

„დაზვერვის თანამშრომლებმა, რომლებიც სნოუდენის საქმეს იძიებდნენ, დაადგინეს, რომ ქვეყნის ყველაზე საიდუმლო დოკუმენტების მოსაპოვებლად, სნოუდენი იაფფასიან და ყველასთვის ხელმისაწვდომ პროგრამულ უზრუნველყოფას იყენებდა“. გამოძიების მონაცემებით გადმოწერა ავტომატურ რეჟიმში, სამუშაო დღის მანძილზე ხდებოდა და უპრობლემოდ უნდა შეემჩნია სათანადო სამსახურებს.

„გასაოცარი აღმოჩნდა, რადგან ნაციონალური უსაფრთხოების სააგენტოს მისიაში შედის ქვეყნის დაცვა ყოველგვარი შესაძლო კიბერშეტევისგან, მათ შორის რუსეთისა და ჩინეთის მხრიდან“ – აღნიშნავს გამოცემა.

ერთხელ მას მაინც მოუწია ახსნა-განმარტების მიცემა და თავი იმით იმართლა, როგორც სისტემის ადმინისტრატორი, პროგრამული უზრუნველყოფის მიზნით მონაცემებს სხვა სერვერზე ვინახავო.

                                                                                          (მოამზადა თამაზ ჩიქვანაიამ)