გაზეთი „კვირის ქრონიკა“ აქვეყნებს მასალას, სადაც მწერალი ჯანსუღ ჩარკვიანი აცხადებს, რომ ის ინფორმაცია, რომელიც ლაშა თაბუკაშვილმა გაავრცელა, თითქოს ჭაბუა ამირეჯიბის ორმოცზე, სუფრასთან მის მიერ წარმოთქმულ პატრიარქის სადღეგრძელოზე ბიძინა ივანიშვილმა სადღეგრძელო გააპროტესტა და განაცხადა, არავის გაფეტიშება საჭირო არააო.
„როგორ გეკადრებათ, როგორ არ დალია? ისიც კი თქვა: აბა, ჯანსუღ, ჩვენს დიდ რაინდ კაცს გაუმარჯოსო. ლაშას უთხრა, პატრიარქს შეიძლება რამე შეეშალოს, ესეც უნდა ვიცოდეთო. ეს სხვანაირად აიტაცეს, ვიღაცეებმა დამირეკეს, თურმე სადღეგრძელოში უთქვამს, პატრიარქი ვინ არისო? ტყუილი, კაცო, ტყუილი!
ჟურნალისტის შეკითხვაზე - ხომ არ ჰკითხა მან ივანიშვილს „ნაციონალების“ ბაირამობაზე და სამართლიანობის აღდგენაზე, ბატონმა ჯანსუღმა უპასუხა, რომ გარდა ამისა, ისიც ვუთხარი, საჭიროა კადრებს გადახედოთ, ბევრი რაღაც პროვინციულად ჟღერსო.
„ჯანსუღ, ყველაფერში მართალი ხარ, დამიჯერე, ყველაფერი კარგად იქნებაო, ორ-სამ დღეში არაფერი კეთდებაო. მე მადლობაც გადავუხადე, ფაშისტები და ეს უბედურები რომ გაყარეთ... მთელი საქართველო მადლიერია, მაგრამ ამ ბოროტებას ნუ გავახარებთ, მაგათ ჰგონიათ, რომ მართლები არიან-მეთქი. ვიცი, ყველაფერი კარგად იქნებაო, დრო გვჭირდებაო“, - აცხადებს ჩარკვიანი.
(მოამზადა ლილუ მიროტაძემ)
