აჭარის მთავრობის თავმჯდომარე, არჩილ ხაბაძე შუახევის მუნიციპალიტეტში, სოფელ ჩირუხში ტრადიციული სახალხო დღესასწაულის, "შუამთობის" საზეიმო გახსნას დაესწრო.
ადგილობრივებს და ზეიმის სტუმრებს არჩილ ხაბაძესთან ერთად საქართველოს ფინანსთა მინისტრმა, ნოდარ ხადურმა და ვიცე სპიკერმა, მურმან დუმბაძემაც მიმართეს.
სტუმრებისთვის კონცერტი გამართა თურქეთში მოღვაწე ქართველმა მომღერალმა ბაიარ შაჰინმა. არჩილ ხაბაძემ შუახევის მოსახლეობას დაგეგმილი პროექტები გააცნო, "სამომავლოდ მაღალმთიან მუნიციპალიტეტებში ტურისტული ინფრასტრუქტურის განვითარებასთან ერთად, დაგეგმილია საგზაო ჯებირების მოწყობა, რათა მაქსიმალურად მოვახდინოთ უბედური შემთხვევების პრევენცია. საგზაო ჯებირებისთვის 3 მილიონი ლარი დაიხარჯება. ასევე, მოსახლეობის დაჟინებული თხოვნის გათვალისწინებით, ინფრასტრუქტურის სამინისტროს დახმარებით ადგილობრივი მთავრობა მოახდენს შუახევის მუნიციპალიტეტში 17 კმ გზის მონაკვეთის შეკეთებას და ასფალტირებას."- განაცხადა ხაბაძემ.
