უკრაინაში მოსამართლე ალექსანდრე ლობოდენკოს მკვლელობის საქმეს იძიებენ. ეს ის მოსამართლეა, ვისი გადაწყვეტილებითაც, იანვარში, ქალაქის საბჭოს აღების მონაწილე რადიკალები დააკავეს.
სანადირო თოფიდან ორჯერ გასროლით მძიმედ დაჭრილი ლობოდენკო, ექიმების მცდელობის მიუხედავად საოპერაციო მაგიდაზე გარდაიცვალა. მას ცოლი და ორი პატარა ბავშვი დარჩა.
კრემენჩუკის რაიონული მოსამართლის მკვლელობის საქმე პრეზიდენტმა იანუკოვიჩმა პირად კონტროლზე აიყვანა.
უკრაინის პროკურორის, ვიქტრო პშონკას განცხადები, დანაშაულის მოტივის რამდენიმე ვერსია განიხილება, რომელთაგან ძირითადი-დაღუპულის პროფესიულ საქმიანობას უკავშირდება. კერძოდ-აქციის ოპოზიციონერი წევრების დაპატიმრებას.
სხვა ვერსია აქვს ოპოზიციას, ვისი განცხადებითაც, გამოძიების დაწყებისთანავე მკვლელობის პოლიტიკურ მოწინააღმდეგეებზე დაბრალება, ხელისუფლების მხრიდან, ოპოზიციის ხელოვნურად კომპრომეტაციის კიდევ ერთი მცდელობაა.
რომელი მხარეა მართალი, რომ იტყვიან, მხოლოდ ღმერთმა უწყის, მაგრამ იმის თქმა, რომ ხელისუფლება კრიმინალური შემთხვევების, საკუთარი პოლიტიკური მიზნების სასარგებლოდ გამოყენებას ყოველთვის ეცდება, ალბათ შეიძლება. რაღა შორს წავიდეთ, სამაგალითოდ საქართველოში, ბოლო 10 წლის განმავლობაში მომხდარი ამბებიც გამოდგება.
